തിരുവനന്തപുരം : നാട്ടകം ട്രാവന്കൂര് സിമെന്റ്സിന്റെ പ്രവര്ത്തനങ്ങള്ക്ക് സംസ്ഥാന സര്ക്കാര് അഞ്ചു കോടി രൂപ ഉടന് നല്കും. ശമ്പളം, ഇ.പി.എഫ്. എന്നിവയുടെ കുടിശ്ശിക ഭാഗികമായി നല്കുന്നതിനും ബാക്കി തുക കമ്പനിയുടെ പ്രവര്ത്തനാവശ്യങ്ങള്ക്കുമായാണ് അനുവദിച്ചിരിക്കുന്നത്. സ്പീക്കര് തിരുവഞ്ചൂര് രാധാകൃഷ്ണന്റെ ചേംബറില് ചേര്ന്ന യോഗത്തില് വ്യവസായവകുപ്പ് മന്ത്രി
പി. കെ. കുഞ്ഞാലിക്കുട്ടി പങ്കെടുത്തു. പതിനാറ് മാസമായി
ജീവനക്കാര്ക്ക് ശമ്പളം കുടിശ്ശികയാണ്. 2022 ഏപ്രില് മുതലുള്ള പി.എഫ്. അടവ് കുടിശ്ശിക ആയതിനാല് കമ്പനിയുടെ ബാങ്ക് അക്കൗണ്ട് ഫ്രീസ് ചെയ്തിരിക്കുകയാണ്. കമ്പനിയില് നിന്ന് വിരമിച്ച ജീവനക്കാരുടെ ഗ്രാറ്റുവിറ്റിയും നല്കാനുണ്ട്. കമ്പനി കൂടുതല് ശക്തമായി മുന്നോട്ട് പോകുന്നതിനുള്ള നടപടികള് സര്ക്കാര് സ്വീകരിക്കുമെന്ന് മന്ത്രി പി.കെ. കുഞ്ഞാലിക്കുട്ടി യോഗത്തില് പറഞ്ഞു. വ്യവസായ വകുപ്പ് അഡീഷണല് ചീഫ് സെക്രട്ടറി മുഹമ്മദ് ഹനീഷ് , കമ്പനി എം.ഡി. രാജശേഖരന് പിള്ള, മാനേജ്മെന്റ് പ്രതിനിധികളായ സജി എ.ജെ., അനില് കുമാര്, തൊഴിലാളി സംഘടനാ നേതാക്കളായ രാജീവ് എസ്. , എം.സി. ബാബു, അനി സി.എം. , ജോബി എബ്രഹാം ,
കെ.എന്. മുഹമ്മദ് സിയ എന്നിവര് ചര്ച്ചയില് പങ്കെടുത്തു.
Kerala
