തിരുവനന്തപുരം: സംവിധായകൻ സനൽകുമാർ ശശിധരനെതിരെ ഗുരുതര ആരോപണങ്ങളുമായി നടി മാലാ പാർവതി. മഞ്ജു വാരിയറും സഹോദരൻ മധുവും സനൽകുമാർ ശശിധരനെ താക്കീത് ചെയ്യുന്ന ഫോൺ സംഭാഷണത്തിന്റെ ഓഡിയോ ക്ലിപ്പുകൾ കോടതിയിൽ സമർപ്പിച്ചിട്ടുണ്ടെന്നാണ് മാലാ പാർവതി പറയുന്നത്.
സനൽകുമാർ ശശിധരന്റെ അതിരുകടന്ന പ്രണയാഭ്യർഥനകളെ തുടർന്ന് മഞ്ജുവും സഹോദരനും ഇനി തന്നെ ശല്യപ്പെടുത്തരുതെന്ന് കർശനമായി ആവശ്യപ്പെടുന്ന സംഭാഷണമാണ് കോടതിയിൽ നൽകിയതെന്നാണ് മാലാ പാർവതിയുടെ വെളിപ്പെടുത്തൽ. എന്നാൽ തന്റെ മര്യാദയ്ക്ക് ചേരാത്തതിനാലാണ് ഓഡിയോ പുറത്തുവിടാത്തതെന്ന് മഞ്ജു തന്നോട് പറഞ്ഞതായും അവർ വ്യക്തമാക്കി.
സെക്രട്ടേറിയറ്റിന് മുന്നിൽ സനൽകുമാർ ശശിധരൻ നടത്തുന്ന പ്രതിഷേധവും മഞ്ജു വാരിയർക്കെതിരെ ഉന്നയിക്കുന്ന ആരോപണങ്ങളും അതിരുകടന്നതാണെന്ന് മാലാ പാർവതി പറഞ്ഞു. ഹേമ കമ്മിറ്റി റിപ്പോർട്ട് പുറത്തുവിടണമെന്ന ആവശ്യം അദ്ദേഹത്തിന്റെ അവകാശമാണെങ്കിലും, മഞ്ജു വാരിയർ സെക്സ് റാക്കറ്റിന്റെ ഭാഗമാണെന്ന തരത്തിലുള്ള ആരോപണങ്ങൾക്ക് അടിസ്ഥാനമില്ലെന്നും അവർ ആരോപിച്ചു.
മഞ്ജു വാരിയരുടെ ശബ്ദമാണെന്ന് അവകാശപ്പെട്ട് സനൽകുമാർ പ്രചരിപ്പിക്കുന്ന ഓഡിയോയെയും മാലാ പാർവതി ചോദ്യം ചെയ്തു. ശബ്ദരേഖയുടെ ആധികാരികത സൈബർ പൊലീസ് ഉൾപ്പെടെയുള്ള അന്വേഷണ ഏജൻസികൾ പരിശോധിക്കണമെന്നും അവർ ആവശ്യപ്പെട്ടു.
തന്റെ ശബ്ദമാണെന്ന് ആരോപിച്ച് പ്രചരിപ്പിക്കുന്ന ശബ്ദരേഖ എവിടെ നിന്നാണ് ലഭിച്ചതെന്നും, എപ്പോൾ, ഏത് മാധ്യമത്തിലൂടെയാണ് സംഭാഷണം നടന്നതെന്നും വ്യക്തമാക്കേണ്ടത് സനൽകുമാർ ശശിധരനാണെന്നും മാലാ പാർവതി പറഞ്ഞു. നെറ്റ് കോൾ ആണെങ്കിൽ പോലും സാങ്കേതിക പരിശോധനയിലൂടെ അതിന്റെ ഉറവിടം കണ്ടെത്താൻ കഴിയുമെന്നും അവർ കൂട്ടിച്ചേർത്തു.
മഞ്ജു വാരിയർ തന്നെ അപമാനിക്കുന്ന തരത്തിലുള്ള പ്രചാരണങ്ങൾ അവസാനിപ്പിക്കണമെങ്കിൽ ഫോൺ സംഭാഷണം പുറത്തുവിടുന്നതാണ് ഉചിതമെന്ന നിലപാടാണ് മാലാ പാർവതി മുന്നോട്ടുവച്ചത്. സനൽകുമാർ ശശിധരന്റെ ആരോപണങ്ങളുടെ യാഥാർഥ്യം അന്വേഷണത്തിലൂടെ വ്യക്തമാകണമെന്നും അവർ ആവശ്യപ്പെScrcrereeeenensnshsho
