അമിത് ഷായ്ക്കെതിരെ യൂത്ത് കോൺഗ്രസ് പ്രതിഷേധം; സിപിഎം അണികൾക്കിടയിലും യൂത്ത് കോൺഗ്രസിന് ബഹുമാനമെന്ന് ചർച്ച
തലസ്ഥാനത്തെ DCC ഓഫീസിന് നേരെയുണ്ടായ ആക്രമണത്തിൽ സിപിഎം നേതൃത്വം പുലർത്തുന്ന മൗനം രാഷ്ട്രീയ ചർച്ചയാകുന്നു.
ജനാധിപത്യപരമായ പ്രതിഷേധങ്ങളെക്കുറിച്ച് നിരന്തരം നിലപാട് പറയുന്ന സിപിഎം, കോൺഗ്രസ് ഓഫീസിന് നേരെയുണ്ടായ ആക്രമണത്തിൽ പ്രതികരിക്കാത്തത് എന്തുകൊണ്ടാണെന്ന ചോദ്യമാണ് ഉയരുന്നത്.
അതേസമയം, കേന്ദ്ര ആഭ്യന്തരമന്ത്രി അമിത് ഷായുടെ കേരള സന്ദർശനത്തിനിടെ കരിങ്കൊടി പ്രതിഷേധവുമായി രംഗത്തെത്തിയ യൂത്ത് കോൺഗ്രസ് പ്രവർത്തകരുടെ സമരരീതിയും ശ്രദ്ധ നേടുകയാണ്. പ്രതിഷേധത്തിന്റെ പേരിൽ അക്രമത്തിലേക്ക് പോകാതെ രാഷ്ട്രീയ നിലപാട് ശക്തമായി പ്രകടിപ്പിച്ചതാണ് യൂത്ത് കോൺഗ്രസിന്റെ പ്രതിഷേധത്തെ വ്യത്യസ്തമാക്കുന്നതെന്നാണ് കോൺഗ്രസ് കേന്ദ്രങ്ങളുടെ വിലയിരുത്തൽ.
DCC ഓഫീസിന് നേരെയുണ്ടായ ആക്രമണത്തിൽ സംഘപരിവാർ ശക്തികൾക്ക് പങ്കുണ്ടെന്ന ആരോപണവും ഉയർന്നിട്ടുണ്ട്. സംഭവത്തിൽ പ്രത്യേക സംഘം അന്വേഷണം ആരംഭിച്ച സാഹചര്യത്തിൽ ആക്രമണത്തിന് പിന്നിലെ യഥാർഥ കാരണങ്ങളും പ്രതികളുടെ രാഷ്ട്രീയ ബന്ധങ്ങളും പുറത്തുവരേണ്ടതുണ്ട്.
കോൺഗ്രസ് ഓഫീസിന് നേരെയുണ്ടായ ആക്രമണത്തിൽ സിപിഎമ്മിന്റെ മൗനം തുടരുമ്പോൾ, അമിത് ഷായ്ക്കെതിരെ തെരുവിൽ *പ്രതിഷേധിച്ച യൂത്ത് കോൺഗ്രസിന് സിപിഎം അണികൾക്കിടയിൽ പോലും ബഹുമാനം വർധിക്കുന്നുവെന്ന ചർച്ചയാണ്* തലസ്ഥാന രാഷ്ട്രീയത്തിലെ പുതിയ കൗതുകം.
